ತಾಲೂಕಾ ನ್ಯಾಯವಾದಿಗಳ ಸಂಘಕ್ಕೆ ಶುಕ್ರವಾರ ನಡೆದ ಚುನಾವಣೆಯಲ್ಲಿ ಅಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸಿದ್ದ ಕೆ.ಭೀಮನಗೌಡ ೧೬೧ ಮತಗಳ ಅಂತರದಲ್ಲಿ ಜಯಭೇರಿ ಬಾರಿಸಿದ್ದಾರೆ.
ಅಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸಿದ್ದ ಕೆ.ಭೀಮನಗೌಡ ಅವರು ೨೨೮ ಮತಗಳನ್ನು ಪಡೆದು ಜಯಶಾಲಿಯಾದರೆ, ಪ್ರತಿಸ್ಪರ್ಧಿ ಪಂಪಣ್ಣ ಮೇಟಿ ಕೇವಲ ೬೭ ಮತಗಳನ್ನು ಪಡೆದು ಪರಾಭವಗೊಂಡರು. ಇನ್ನೂ ಉಪಾಧ್ಯಕ್ಷ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಜಗದೀಶ ೧೪೫ ಮತಗಳನ್ನು ಪಡೆದು ಗೆಲುವು ಸಾಧಿಸಿದರೆ, ಸುರೇಶ ರೆಡ್ಡಿ ಚನ್ನಳ್ಳಿ ೧೦೯ ಮತ ಪಡೆದರೆ, ಲಲಿತಾ ಚೆಲ್ಲಾ ಅವರು ೪೧ ಮತಗಳನ್ನು ಪಡೆದು ಸೋಲು ಕಂಡರು. ಇನ್ನೂ ಸಹಕಾರ್ಯದರ್ಶಿ ಸ್ಥಾನಕ್ಕೆ ನಡೆದ ಮತದಾನದಲ್ಲಿ ಹೀನಾ ಅಮ್ರೀನ್ ಅವರು ೧೬೮ ಮತಗಳನ್ನು ಪಡೆದು ಅವರ ಪ್ರತಿಸ್ಪರ್ಧಿ ಗಿರಿಯಪ್ಪ(೧೨೫ ಮತಗಳು) ಅವರನ್ನು ೪೩ ಮತಗಳ ಅಂತರದಲ್ಲಿ ಸೋಲಿಸಿದರು. ನ್ಯಾಯವಾದಿಗಳ ಸಂಘದಲ್ಲಿ ೩೨೦ ಮತದಾರರ ಪೈಕಿ ೨೯೪ ಜನ ತಮ್ಮ ಹಕ್ಕು ಚಲಾಯಿಸಿದ್ದರು. ಒಂದು ಮತ ತಿರಸ್ಕಾರಗೊಂಡಿತ್ತು.
ಇನ್ನೂ ಕಾರ್ಯದರ್ಶಿ ಸ್ಥಾನಕ್ಕೆ ದುರುಗೇಶ ತುರ್ವಿಹಾಳ ಹಾಗೂ ಖಜಾಂಚಿ ಸ್ಥಾನಕ್ಕೆ ಶೇಖರಪ್ಪ ಗಡದ್ ಅವಿರೋಧವಾಗಿ ಆಯ್ಕೆಯಾಗಿದ್ದರು.