ಉತ್ತಮ ನೆರೆಹೊರೆಯವರು ತಮ್ಮ ಸುತ್ತಮುತ್ತಲಿನ ನೆರೆಹೊರೆಯವರನ್ನು ಗೌರವಿಸುತ್ತಾರೆ. ಪರಸ್ಪರವಾಗಿ ಸಹಕರಿಸುತ್ತಾರೆ. ಸು:ಖದುಃಖಗಳನ್ನು ಕೂಡ ಹಂಚಿಕೊಳ್ಳುತ್ತಾರೆ. ಸಕಲ ಮಾನವರು ಪರಸ್ಪರ ಸಹೋದರರು. ನಾವು ಒಳ್ಳೆಯವರಾದರೆ ನೆರೆಹೊರೆ ಒಳ್ಳೆಯದು, ನೆರೆಹೊರೆ ಒಳ್ಳೆಯದಾದರೆ ಸಮಾಜವು ಒಳ್ಳೆಯದು, ಸಮಾಜ ಒಳ್ಳೆಯದಾದರೆ ದೇಶ ಒಳ್ಳೆಯದು, ಹೀಗೆ ಮಾದರಿ ನೆರೆಹೊರೆ ಮಾದರಿ ಸಮಾಜದ ನಿರ್ಮಾಣಕ್ಕಾಗಿ ಜಮಾಅತೆ ಇಸ್ಲಾಮಿ ಹಿಂದ್ ರಾಷ್ಟ್ರವ್ಯಾಪಿ ಅಭಿಯಾನ ಆರಂಭಸಿದೆ ಎಂದು ಅದ್ಯಕ್ಷರಾದ ಹುಸೇನಸಾಬ್ ಹೇಳಿದರು.
ಬುಧವಾರ ನಗರದ ಪತ್ರಿಕಾ ಭವನದಲ್ಲಿ ಸುದ್ದಿಗೋಷ್ಟಿ ನಡೆಸಿ ಮಾತನಾಡಿದ ಅವರು, ಜಮಾಅತೆ ಇಸ್ಲಾಮಿ ಹಿಂದ್ ಸಂಘಟನೆ ನವೆಂಬರ್ 21 ರಿಂದ 30 ರವರೆಗೆ ನೆರೆಹೊರೆಯವರ ಹಕ್ಕುಗಳು ಹಾಗೂ ಮಾದರಿ ಸಮಾಜದ ನಿರ್ಮಾಣಕ್ಕಾಗಿ ಅಭಿಯಾನ ಆರಂಭಿಸಿದೆ. ಆಧುನಿಕ ಜಗತ್ತಿನಲ್ಲಿ ಸಾಕಷ್ಟು ಪ್ರಗತಿ ಸಾಧಿಸಿದ್ದೇವೆ. ನಮ್ಮ ಮನೆಯ ಅಂಗಳದಲ್ಲಿ ನೆರೆಹೊರೆಯಲ್ಲಿ ಏನು ನಡೆದಿದೆ ಎನ್ನುವುದು ನಮಗೆ ಗೊತ್ತಿಲ್ಲ. ಗೋಡೆಯಲ್ಲಿ ಬಿರುಕು ಬಿದ್ದರೆ ಗೋಡೆ ಬಿದ್ದು ಹೊಗುತ್ತದೆ. ಮಾನವನ ಸಂಬಂಧಗಳಲ್ಲಿ ಬಿರುಕು ಬಿದ್ದರೆ ಗೋಡೆ ಎದ್ದು ನಿಲ್ಲುತ್ತದೆ. ಈ ಗೋಡೆಗಳ ಸಂಬಂಧಗಳ ದುರಸ್ತಿ ಆಗಬೇಕಾಗಿದೆ. ಆ ಕಾರಣದಿಂದ ಒಳ್ಳೆಯ ಸಮಾಜ, ಒಳ್ಳೆಯ ದೇಶ ಕಟ್ಟುವ ಕಡೆ ಸಂಘಟನೆ ವತಿಯಿಂದ ಅಭಿಯಾನ ಪ್ರಾರಂಭಿಸಿದೆ.
ನಮ್ಮೆಲ್ಲರಿಗೂ ಒಬ್ಬನೇ ಸೃಷ್ಟಿಕರ್ತನು ನಾವು ಆತನ ದಾಸರು, ಸಕಲ ಮಾನವರು ಒಂದೇ ತಂದೆ ತಾಯಿ ಮಕ್ಕಳು, ಆದರೂ ನಮ್ಮ ಸ್ವಾರ್ಥದಿಂದ ಸಣ್ಣಪುಟ್ಟ ವಿಷಯಗಳಿಗೆ ಜಗಳವಾಡುವುದು ಸರಿಯಲ್ಲ. ಈ ಕಾರಣದಿಂದಾಗಿ ಜಾಗೃತಿ ಮೂಡಿಸುವ ಜನರಿಗೆ ಅರಿವು ಮೂಡಿಸುವ ಕಾರ್ಯ ಮಾಡುತ್ತಿದ್ದೇವೆ ಎಂದರು.
ಈ ವೇಳೆ: ಪತ್ರಿಕಾಗೋಷ್ಠಿಯಲ್ಲಿ ಜಮದ್ ಇಸ್ಲಾಮಿ ಹಿಂದು ಅಧ್ಯಕ್ಷರಾದ ಹುಸೇನ್ ಬಾಷಾ, ಬಾಬರ್ ಬೇಗ್, ಸ್ವಾಲಿಡಾರಿಟಿ ಯೂಥ್ ಮೊಮೆಂಟ್ ಅಧ್ಯಕ್ಷ ಅಬುಲೈಸ್ ನಾಯಕ್, ಉಪಾಧ್ಯಕ್ಷ ಇಸ್ಮಾಯಿಲ್,
ಜಮಾಅತೆ ಇಸ್ಲಾಮಿ ಹಿಂದ್ ಮಹಿಳಾ ವಿಭಾಗದ ಅಧ್ಯಕ್ಷೆ ಅತಿಯಾ ಫೌಝಿಯಾ, ಲುಬ್ನಾ ಬೆಳಗಾಮಿ ಕಾರ್ಯದರ್ಶಿ, ಗರ್ಲ್ಸ್ ಇಸ್ಲಾಮಿಕ್ ಅಧ್ಯಕ್ಷೆ ನೇಹಾ ಸಮ್ರೀನ್, ಆರ್ಗನೈಜೇಷನ್ ಸಿಂಧನೂರು. ಹಾಗೂ ಸೈದಾ ಬೇಗಂ ಉಪಸ್ಥಿತರಿದ್ದರು.