ವಿಕಲಚೇತನರ ಒಗ್ಗಟ್ಟು ಮತ್ತು ಸಂಘಟನೆ ಬಲವಾಗಿದ್ದಾಗ ಮಾತ್ರ ಸೌಲಭ್ಯ ಪಡೆಯುವುದಕ್ಕೆ ಸಾಧ್ಯ – ದೇಸಾಯಿ ದೊತರಬಂಡಿ

ಮಾನ್ವಿ ನ 18- ಪಟ್ಟಣದ ಚನ್ನಬಸವೇಶ್ವರ ಅಂಧ ಮಕ್ಕಳ ವಸತಿಯುತ ಶಾಲೆಯ ಸಭಾಂಗಣದಲ್ಲಿ ನಡೆದ ಸಂಕಲ್ಪ ವಿಕಲಚೇತನರ ಒಕ್ಕೂಟದ ಜಿಲ್ಲಾ ಮಟ್ಟದ ಸಭೆಯಲ್ಲಿ ವಿಕಲಚೇತನರಾದ ದೇಸಾಯಿ ದೊತರಬಂಡಿ ಮಾತನಾಡಿ ಜಿಲ್ಲೆಯಲ್ಲಿನ ವಿಕಲಚೇತನರಿಗೆ ಇನ್ನೂ ಕೂಡ ಅವರಿಗೆ ದೊರೆಯಬೇಕಾದ ಸಮಾನ ಹಕ್ಕುಗಳು ಹಾಗೂ

ಸೌಲಭ್ಯಗಳು ಸರ್ಕಾರದ ವಿವಿಧ ಯೋಜನೆಗಳು ತಲುಪದೆ ಇರುವುದಕ್ಕೆ ವಿಕಲಚೇತನರಲ್ಲಿನ ಸಂಘಟನೆಯ ಕೊರತೆಯೆ ಕಾರಣವಾಗಿದೆ ವಿಕಲಚೇತನರ ಒಗ್ಗಟ್ಟು ಮತ್ತು ಸಂಘಟನೆ ಬಲವಾಗಿದ್ದಾಗ ಮಾತ್ರ ಸರ್ಕಾರದ ಮುಂದೆ ನಮ್ಮ ಧ್ವನಿ ಪರಿಣಾಮಕಾರಿಯಾಗಿ ತಲುಪಿಸುವುದಕ್ಕೆ ಸಾಧ್ಯವಾಗುತ್ತದೆ ಎಂದು ತಿಳಿಸಿದರು.

ಸಂಕಲ್ಪ ವಿಕಲಚೇತನರ ಒಕ್ಕೂಟದ

ಜಿಲ್ಲಾಧ್ಯಕ್ಷರಾಗಿ ಶಿವಕುಮಾ‌ರ್ ಚಲ್ಮಲ್, ಜಿಲ್ಲಾ ಉಪಾಧ್ಯಕ್ಷರಾಗಿ ಸಾವಿತ್ರಮ್ಮ, ಮಾನ್ವಿ ತಾ.ಅಧ್ಯಕ್ಷರಾಗಿ ಲಕ್ಷ್ಮೀ ಉಟಕನೂರು, ಗೌರವಾಧ್ಯಕ್ಷರಾನ್ನಾಗಿ ದೇಸಾಯಿ ದೊತರಬಂಡಿ ರವರನ್ನು ಆಯ್ಕೆ ಮಾಡಲಾಯಿತು.

ಜಿಲ್ಲೆಯ ವಿವಿಧ ತಾಲೂಕುಗಳಿಂದ ವಿಕಲಚೇತನ ಪ್ರತಿನಿಧಿಗಳು ಸಭೆಯಲ್ಲಿ ಭಾಗವಹಿಸಿ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡರು.