ಸಿಂಧನೂರು:
ಸನ್‌ರೈಸ್ ಡಿ ಫಾರ್ಮಸಿ, ನರ್ಸಿಂಗ್, ಪ್ಯಾರ ಮೆಡಿಕಲ್ ಕಾಲೇಜಿನ ವತಿಯಿಂದ ವಿಶ್ವ ಮಹಿಳಾ ದೌರ್ಜನ್ಯ ವಿರೋಧಿ ದಿನಾಚರಣೆ ಜಾಗೃತಿ ಕಾರ್ಯಕ್ರಮವನ್ನು ಭವ್ಯವಾಗಿ ಆಯೋಜಿಸಲಾಯಿತು. ಮಹಿಳಾ ಸಿಬ್ಬಂದಿಗಳಿಂದ ಪಾರಂಪರಿಕವಾಗಿ ದೀಪ ಬೆಳಗುವುದರ ಮೂಲಕ ಕಾರ್ಯಕ್ರಮಕ್ಕೆ ಉದ್ಘಾಟನೆ ನೆರವೇರಿಸಲಾಯಿತು. ಬೆಳಗಿದ ದೀಪವು ಮಹಿಳಾ ಸುರಕ್ಷತೆ, ಗೌರವ ಮತ್ತು ಜಾಗೃತಿ ಎಂಬ ಸಂದೇಶವನ್ನು ಪ್ರತಿಬಿಂಬಿಸಿತು.
ಕಾರ್ಯಕ್ರಮದ ನಿರೂಪಣೆಯನ್ನು ಉಪನ್ಯಾಸಕರಾದ ವೀರೇಶ್ ಅವರು ನಿಖರವಾಗಿ ಹಾಗೂ ಸಂವೇದನಾಶೀಲವಾಗಿ ನಡೆಸಿದರು.
ಸಭೆಗೆ ಅಧ್ಯಕ್ಷತೆಯನ್ನು ಸಂಸ್ಥೆಯ ಅಧ್ಯಕ್ಷರಾದ ಇರ್ಫಾನ್ ಕೆ ಅತ್ತಾರ್ ವಹಿಸಿ ಮಾತನಾಡಿ ಮಹಿಳೆಯರ ವಿರುದ್ಧ ನಡೆಯುವ ದೌರ್ಜನ್ಯ ಯಾವುದೇ ಸಮಾಜದ ನೈತಿಕ ಮೌಲ್ಯಗಳಿಗೆ ವಿರುದ್ಧ. ಮಹಿಳೆ ಸಮಾಜದ ಶಕ್ತಿ, ಕುಟುಂಬದ ಆರಾಧ್ಯ, ರಾಷ್ಟ್ರದ ಮಾರ್ಗದರ್ಶಕಳು. ಅವರನ್ನು ಗೌರವಿಸುವುದು ಮತ್ತು ಅವರೊಂದಿಗೆ ಮಾನವೀಯತೆಯಿಂದ ವರ್ತಿಸುವುದು ನಮ್ಮೆಲ್ಲರ ನೈತಿಕ ಕರ್ತವ್ಯ. ಸಮಾಜದಲ್ಲಿ ಮಹಿಳೆಯರು ಧೈರ್ಯವಾಗಿ ಬದುಕಲು, ಸುರಕ್ಷಿತ ವಾತಾವರಣ ನಿರ್ಮಾಣ ಮಾಡುವುದು ಜನತೆಗೆ ಒಟ್ಟಾರೆ ಜವಾಬ್ದಾರಿ ಎಂದು ಹೇಳಿದರು.
ಮುಖ್ಯ ಅತಿಥಿಗಳಾಗಿ ಹಾಜರಾಗಿದ್ದ
ಲಾಜರ್ ಸಿರಿಲ್ ಜಿ, ಪ್ರಾಚಾರ್ಯರು ಸನ್‌ರೈಸ್ ಸ್ಕೂಲ್ ಆಫ್ ನರ್ಸಿಂಗ್,
ತಮ್ಮ ವಿಶೇಷ ಉಪನ್ಯಾಸದಲ್ಲಿ ಮಹಿಳೆಯರ ಮೇಲಿನ ದೌರ್ಜನ್ಯದ ದೈಹಿಕ, ಮಾನಸಿಕ, ಸಮಾಜಶಾಸ್ತ್ರೀಯ ಹಾಗೂ ತಾಂತ್ರಿಕ ಆಯಾಮಗಳನ್ನು ಮನದಟ್ಟುಗೊಳಿಸಿದರು. ದೌರ್ಜನ್ಯ ಎಂದರೆ ಕೇವಲ ಹೊಡೆದಾಟವಲ್ಲ;
ಭಾವನಾತ್ಮಕ ಹಿಂಸೆ, ಆರ್ಥಿಕ ನಿರ್ಬಂಧ, ತಿರಸ್ಕಾರ, ಬೆದರಿಕೆ, ಸೈಬರ್ ದೌರ್ಜನ್ಯ ಇನ್ನಷ್ಟು ವಿವರವಾಗಿ ಅವರು, ಸೈಬರ್ ವಂಚನೆಗಳ ಪ್ರಕಾರಗಳು, ಮಾರ್ಫಿಂಗ್, ಫೇಕ್ ಐಡಿ, ಟ್ರೋಲಿಂಗ್, ಹ್ಯಾಕಿಂಗ್ ಅಪಾಯಗಳು ಸಾಮಾಜಿಕ ಜಾಲತಾಣಗಳ ಜವಾಬ್ದಾರಿ ಪೂರ್ಣ ಬಳಕೆ ಮಹಿಳೆಯರು ಮತ್ತು ಯುವತಿಯರು ಪಾಲಿಸಬೇಕಾದ ಆನ್‌ಲೈನ್ ಸುರಕ್ಷತಾ ಕ್ರಮಗಳು ಕುಟುಂಬ ಮತ್ತು ಸಮಾಜ ನೀಡಬೇಕಾದ ಮಾನಸಿಕ ಬಲ ಇತ್ಯಾದಿ ಪ್ರಮುಖ ವಿಷಯಗಳ ಬಗ್ಗೆ ಜಾಗೃತಿ ಮೂಡಿಸಿದರು,ಅದರೊಂದಿಗೆ, ಮಹಿಳೆಗಳಿಗಾಗಿ ಕಾನೂನು ರಕ್ಷಣೆಗಳನ್ನು — POSH Act, POCSO, IPC 354, 509, ಮತ್ತು ಸೈಬರ್ ಕ್ರೈಮ್ ಸೆಲ್‌ಗಳ ಪಾತ್ರಗಳ ಕುರಿತು ವಿವರವಾಗಿ ಮಾಹಿತಿ ನೀಡಿದರು. ಕಾರ್ಯಕ್ರಮದಲ್ಲಿ ಮಹಿಳಾ ಸಿಬ್ಬಂದಿಗಳು, ಉಪನ್ಯಾಸಕರು, ವಿದ್ಯಾರ್ಥಿಗಳು ಹಾಗೂ ಸಂಸ್ಥೆಯ ಗಣ್ಯರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು
