ಮಸ್ಕಿ,ಫೆ,2:- ರಾಯಚೂರು ಜಿಲ್ಲೆಯ ಮಸ್ಕಿ ಪೊಲೀಸ್ ಠಾಣೆಯ ಹಳೆಯ ಪಿಸಿ ವಸತಿಗೃಹಗಳನ್ನು ನೆಲಸಮಗೊಳಿಸುವ ಸಂಬಂಧ
ಬೆಂಗಳೂರು ಪ್ರಧಾನ ಪೊಲೀಸ್ ಕಚೇರಿ ಆದೇಶದಂತೆ ಪತ್ರಿಕೆಗಳಲ್ಲಿ ಪ್ರಕಟಣೆ ನೀಡಲಾಗಿತ್ತು.
ಈ ಆದೇಶದಂತೆ ಇಂದು ದಿನಾಂಕ 02ರಂದು ಬೆಳಗ್ಗೆ 11 ಗಂಟೆಗೆ
ಮಸ್ಕಿ ಪೊಲೀಸ್ ಠಾಣೆ ಆವರಣದಲ್ಲಿ ಬಹಿರಂಗ ಹರಾಜು ಪ್ರಕ್ರಿಯೆ ನಡೆಯಿತು.
ಹರಾಜಿನಲ್ಲಿ ಒಟ್ಟು 7 ಜನ ಆಸಕ್ತ ಬಿಡ್ದಾರರು ಭಾಗವಹಿಸಿದ್ದು,
ಸರ್ಕಾರಿ ನಿಗದಿತ ಬೀಟ್ ಮೊತ್ತ ₹90,500 ಆಗಿತ್ತು.
ತೀವ್ರ ಸ್ಪರ್ಧೆಯ ನಡುವೆ
ಬಿ. ನಾಗರಾಜ್ ಅವರು ₹99,000 ಮೊತ್ತಕ್ಕೆ ಅಂತಿಮ ಬಿಡ್ ಸಲ್ಲಿಸಿ
ಹರಾಜನ್ನು ತಮ್ಮ ಹೆಸರಿಗೆ ಪಡೆಯುವಲ್ಲಿ ಯಶಸ್ವಿಯಾದರು.
ಹರಾಜು ಪ್ರಕ್ರಿಯೆ ಸಂಪೂರ್ಣವಾಗಿ
ಪಾರದರ್ಶಕವಾಗಿ ಹಾಗೂ ನಿಯಮಾನುಸಾರ ನಡೆಯಿತು ಎಂದು
ಪೊಲೀಸ್ ಇಲಾಖೆ ತಿಳಿಸಿದೆ.
ಮುಂದಿನ ದಿನಗಳಲ್ಲಿ ಹಳೆಯ ವಸತಿಗೃಹಗಳನ್ನು ನೆಲಸಮಗೊಳಿಸಿ
ಹೊಸ ನಿರ್ಮಾಣ ಕಾರ್ಯಕ್ಕೆ ಅವಕಾಶ ಕಲ್ಪಿಸಲಾಗುವುದು ಎನ್ನಲಾಗಿದೆ.
ವರದಿ: ಸುರೇಶ್ ಬಳಗಾನೂರು
