ದಶಕದ ಮಹಾಯುದ್ದಕ್ಕೆ ರಣಕಹಳೆ ಮೊಳಗಿಸಿದ ಮಹಾಕ್ಷತ್ರಿಯ .

ಗದಗ,ನ,22:- ರಾಜ್ಯದ ಸರಕಾರಿ ಪ್ರಥಮ ದರ್ಜೆ ಕಾಲೇಜುಗಳ ಅತಿಥಿ ಉಪನ್ಯಾಸಕರ ಖಾಯಮಾತಿ ಕುರಿತು ಮೂರು ದಶಕಗಳಿಂದಲೂ ಸೌಜನ್ಯದಿಂದ ಬೇಡಿಕೊಂಡರೂ,ಪ್ರತಿಭಟಿಸಿದರೂ,ಪಾದಯಾತ್ರೆ ಮಾಡಿದರೂ ಯಾವಸರಕಾರಗಳೂ ಶಾಶ್ವತಪರಿಹಾರ ನೀಡುವ ಮನಸುಮಾಡಲಿಲ್ಲ.
ಬದಲಿಗೆ ವೇತನವನ್ನು ಸ್ವಲ್ಪ ಹೆಚ್ಚಿಸಿ ಮೂಗಿಗೆ ತುಪ್ಪ ಸವರುವ ಕೆಲಸಮಾಡಿ ಜಾರಿಕೊಂಡವು.
ಅತಿಥಿ ಉಪನ್ಯಾಸಕರಿಗೂ ಹೆಂಡತಿ,ಮಕ್ಕಳು,ತಂದೆ,ತಾಯಿ,ಸಹೋದರ,ಸಹೋದರಿಯರಿದ್ದಾರೆಂಬ ಕನಿಷ್ಟ ಕಾಳಜಿಯಿಲ್ಲದೆ ಕಳೆದ ಎರಡುವರೆ ದಶಕಗಳಿಂದ ಬಳಸಿಬಿಸಾಡುವ ಕೆಲಸಮಾಡುತ್ತಿರುವ ಉನ್ನತಶಿಕ್ಷಣ ಇಲಾಖೆಯ ಸಚಿವರು,ಮುಖ್ಯಮಂತ್ರಿಗಳು ಸುಮಾರು ಹನ್ನೊಂದುಸಾವಿರ ಅತಿಥಿ ಉಪನ್ಯಾಸಕರ ಮರಣಶಾಸನಕ್ಕೆ ಮುನ್ನುಡಿಬರೆಯಲು ಹೊರಟಂತೆ ಕಾಣುತ್ತಿದೆ.
ವಿಶ್ವವಿದ್ಯಾಲಯದ ದನಸಹಾಯ ಆಯೋಗದ ನಿಯಮಾವಳಿಗಳ ಪ್ರಕಾರ ಅರ್ಹತೆ ಪಡೆದ( ಅಂದರೆ N,E,T.S,L,E,T.Ph,D) ಹೊಂದಿದ ಅತಿಥಿ ಉಪನ್ಯಾಸಕರು ಅರ್ಹತೆ ಪಡೆಯದ ಅತಿಥಿ ಉಪನ್ಯಾಸಕರೆಂಬ ಭೆದಭಾವಮಾಡಿ ಉದ್ಯೋಗನೀಡದೆ ಒಡೆದಾಳುವ ನೀತಿ ಅನುಸರಿಸುತ್ತಿದೆ.
ಈಗ ನ್ಯಾಯಾಲಯದ ಆದೇಶ ವೆಂಬ ನೆಪವೊಡ್ಡಿ ಸಂದರ್ಶನ ನಡೆಸಿ,ugc ನಿಯಮಗಳ ಪ್ರಕಾರ ಅರ್ಹತೆ ಪಡೆಯದಿರುವ ಅತಿಥಿ ಉಪನ್ಯಾಸಕರ ಕುಟುಂಬಕ್ಕೆ ಸಾಮೂಹಿಕವಾಗಿ ಬೆಂಕಿಹಚ್ಚಲು ತಯಾರಿ ನಡೆಸಿದೆ.
ಮೊದ ಮೊದಲು ಕಾನೂನು ಸಚಿವರಾದ ಹೆಚ್,ಕೆ,ಪಾಟೀಲ್,ಮತ್ತು ಉನ್ನತ ಶಿಕ್ಷಣ ಸಚಿವರಾದ ಎಮ್,ಸಿ,ಸುಧಾಕರ್ ಯಾರಿಗೂ ಅನ್ಯಾಯವಾಗದಂತೆ ನೋಡಿಕೊಳ್ಳುತ್ತೇವೆಂಬ ಬರವಸೆಗಳನ್ನು ನೀಡಿದ್ದರಾದರೂ ಈಗ ಸುದೀರ್ಗ ಸೇವೆ ಸಲ್ಲಿಸಿರುವ ugc ಅರ್ಹತೆ ಪಡೆಯದ ಉಪನ್ಯಾಸಕರನ್ನು ಹೊರದೊಬ್ಬಿ ugc ಅರ್ಹತೆ ಪಡೆದ ಅತಿಥಿ ಉಪನ್ಯಾಸಕರ ಜೇಷ್ಠತಾ ಪಟ್ಟಿ ಬಿಡುಗಡೆಮಾಡಿ ಇದೇ ಸೋಮವಾರದಿಂದ ಸಂದರ್ಶನ ನಡೆಸಿ ಸುಮಾರು 5600 ಜನ ಸುದೀರ್ಘ ಸೇವೆಸಲ್ಲಿಸಿದ ಹಿರಿಯ,ಅನುಭವಿ ಉಪನ್ಯಾಸಕರ ಮರಣಶಾಸನ ಬರೆಯಲು ಮುಂದಾಗಿರುವುದು ನಿಜಕ್ಕೂ ಅಮಾನವೀಯವಾದ ನಡೆಯಾಗಿದೆ.
ಇಲ್ಲಿಯವರೆಗೂ ವಿನಯಪೂರ್ವಕವಾಗೇ ಸ್ಪಂದಿಸುತ್ತಿದ್ದ ಪ್ರತಿಭಟನಾ ಚತುರ ಚೂಡಾಮಣಿ ರಾಜ್ಯಾಧ್ಯಕ್ಷ ಹೆಚ್,ಆರ್,ಕಲ್ಮನಿ ಈಗ ಸರಕಾರದ ನಿರ್ದಯೀ ನಡೆಯ ವಿರುದ್ದ ಇದೇ ಮಂಗಳವಾರ ಅತಿಥಿ ಉಪನ್ಯಾಸಕರ ಮಹಾ ಪ್ರತಿಭಟನೆಗೆ ರಣಕಹಳೆ ಮೊಳಗಿಸಿದ್ದಾರೆ.
ಸರಕಾರ ಈ ಕೂಡಲೆ ಸಂದರ್ಶನವನ್ನು ನಿಲ್ಲಿಸಬೇಕು ಇಲ್ಲವೆ ugc non ugc ಉಪನ್ಯಾಸಕರೆಂಬ ಬೇದಭಾವ ಮಾಡದೆ ಎಲ್ಲರಿಗೂ ಈ ಹಿಂದಿನ ಮಾನದಂಡಗಳ ಪ್ರಕಾರ ಸಂದರ್ಶನ ನಡೆಸಿ ಉದ್ಯೋಗಭದ್ರತೆ ನೀಡಬೇಕು.
ಇಲ್ಲವಾದರೆ ಗದಗ ಜಿಲ್ಲಾಡಳಿತದ ಮುಂದೆ ರಾಜ್ಯದ ಮೂಲೆಮೂಲೆಗಳಿಂದ ಅತಿಥಿ ಉಪನ್ಯಾಸಕರು ಸಾಗರೋಪಾದಿಯಲ್ಲಿ ಹರಿದುಬಂದು ಪ್ರತಿಭಟಿಸಿ ನ್ಯಾಯಪಡೆಯಲೇಬೇಕೆಂಬ ಕರೆ ಸಾವಿರಾರು ಅತಿಥಿ ಉಪನ್ಯಾಸಕರಲ್ಲಿ ನೂರಾನೆಬಲವನ್ನು ತುಂಬಿದೆ.
ಸುಮ್ಮನಿದ್ದ ಸಿಂಹವನ್ನು ಕೆಣಕುವುದಲ್ಲ ಶೂರತನ,ಸಿಡಿದೆದ್ದ ಸಿಂಹವನ್ನು ಕಟ್ಟಿಹಾಕುವುದೇ ನಿಜವಾದ ಶೂರತ್ವ.
ಸಿಂಹದೊಂದಿಗೆ ಸಿಂಹದ ಮರಿಸೈನ್ಯವೂ ಗದಗಿಗೆ ಬರುತ್ತಿದೆ.ಕಟ್ಟಿಹಾಕುವುದಾದರೆ ಕಟ್ಟಿಹಾಕಿ.
ಇಲ್ಲಿ ನ್ಯಾಯ ಸಿಗದಿದ್ದರೆ ಬೆಳಗಾವಿ ಅಧಿವೇಶನಕ್ಕೆ ಮುತ್ತಿಗೆ ಹಾಕಲಿದೆ.
ನ್ಯಾಯಾಲಯನೀಡುವ,ugc,ಯ ಆದೇಶಗಳನ್ನು ಪಾಲಿಸುವುದಾದರೆ,ಸಮಾನ ಕೆಲಸಕ್ಕೆ ಸಮಾನ ವೇತನ,ಸರಕಾರದ ಸಂಸ್ಥೆಗಳಲ್ಲಿ ಗುತ್ತಿಗೆ ಆಧಾರದ ಮೇಲೆ ಹತ್ತುವರ್ಷ ಮೇಲ್ಪಟ್ಟು ಸೇವೆಸಲ್ಲಿಸಿದ ನೌಕರರನ್ನು ಖಾಯಂಗೊಳಿಸಬೇಕು.
ಅತಿಥಿ ಉಪನ್ಯಾಸಕರ ಒಂದು ತಾಸಿನ ಭೋಧನೆಗೆ 1500 ರೂಪಾಯಿ ಗೌರವಧನ ನೀಡಬೇಕೆಂಬ ಆದೇಶ,ಶೇಖಡಾ 20% ರಷ್ಟು ಮಾತ್ರ ಅತಿಥಿ ಉಪನ್ಯಾಸಕರನ್ನು ಸೇವೆಗೆ ತೆಗೆದುಕೊಳ್ಳಬೇಕು ಅದೂ ಅಲ್ಪಾವಧಿಗೆ ಎಂಬ ಆದೇಶ,ಪಿ,ಎಫ್,ಆರೋಗ್ಯ ಯೋಜನೆ,ಭದ್ರತೆನೀಡಬೇಕೆಂಬ ಆದೇಶಗಳು ನ್ಯಾಯಾಲಯ ಮತ್ತು ugc ಗಳಿಂದಲೇ ಬಂದವುಗಳಲ್ಲವೇ? ಇವುಗಳನ್ನು ಪಾಲಿಸುತ್ತಿದ್ದೀರಾ?
ಇಷ್ಟು ವರ್ಷ ಗಾಣದೆತ್ತಿನಂತೆ ದುಡಿಸಿಕೊಂಡು ವಯಸ್ಸಾದ ಪಶುವನ್ನು ಕಟುಕರಿಗೆ ನೀಡುವಂತೆ ವಯಸ್ಸಾದ ಹಿರಿಯ ಅತಿಥಿ ಉಪನ್ಯಾಸಕರನ್ನು ಬೀದಿಗೆ ಬಿಟ್ಟರೆ ಅವರನ್ನೇ ನಂಬಿದ ಕುಟುಂಬದ ಪಾಡೇನು?
ಕಿಂಚಿತ್ತು ಕರುಣೆಯಿಲ್ಲವೇ? ಕೇರಳ,ಆಂದ್ರ,ದೆಹಲಿ,ಪಶ್ಚಿಮ ಬೆಂಗಾಲ್,ಮುಂತಾದ ರಾಜ್ಯಸರಕಾರಗಳಿಂದಾದ ಅತಿಥಿ ಉಪನ್ಯಾಸಕರಿಗೆ ಸೇವಾಭದ್ರತೆ ನೀಡುವ ಕೆಲಸ ಕರ್ನಾಟಕ ರಾಜ್ಯದಿಂದ ಏಕೆ ಆಗುತ್ತಿಲ್ಲ? ಕರ್ನಾಟಕಕ್ಕೆ ಬೇರೆ ಸಂವಿಧಾನವಿದೆಯೇ? ಅಥವಾ ಸಾವಿರಾರು ಅತಿಥಿ ಉಪನ್ಯಾಸಕರ ಮೇಲೆ ನಿಮಗೆ ದ್ವೇಷವಿದೆಯೇ?
ಎಂದು ತೂಗುಗತ್ತಿಯ ಬುಡದಲ್ಲಿನಿಂತ ಅತಿಥಿ ಉಪನ್ಯಾಸಕರು ಪ್ರಶ್ನಿಸುತ್ತಿದ್ದಾರೆ.
ಹೌದು ಅಹಿಂದದ ಹರಿಕಾರ,ಭಾಗ್ಯಗಳ ಸರದಾರ,ಗ್ಯಾರೆಂಟಿಗಳ ಸೂತ್ರದಾರ ಸಿದ್ದರಾಮಯ್ಯನವರು ವಿರೋಧಪಕ್ಷದಲ್ಲಿದ್ದಾಗ ಬಿ,ಜೆ,ಪಿಯವರಿಗೆ ಮೇಜುಗುದ್ದಿ ಕೇಳಿದರು ಸಿ,ಆ್ಯಂಡ್,ಆರ್, ತಿದ್ದುಪಡಿಮಾಡಿ ಭದ್ರತೆ ನೀಡಬಹುದಲ್ವಾ ನಿಮಗೆ ಇಚ್ಚಾಶಕ್ತಿಯಿಲ್ಲ ಎಂದು ಗುಡುಗಿದವರ ಕೈ ಈಗ್ಯಾಕೆ ನಡುಗುತ್ತಿದೆ.
ಬರೀ ನಿಮ್ಮ ಘರ್ಜನೆ ಭಾಷಣದಲ್ಲಿ,ವಿರೋಧಪಕ್ಷದಲ್ಲಿದ್ದಾಗ ಮಾತ್ರಾನಾ?
ಸಿದ್ದರಾಮಯ್ಯನವರೇ ದಯವಿಟ್ಟು ಸಾವಿರಾರು ಅತಿಥಿ ಉಪನ್ಯಾಸಕರಬಾಳಿಗೆ ಭದ್ರತೆ ನೀಡಿ ಬೆಳಕಾಗಿ,ನಮ್ಮನ್ನು ಹೊರಹಾಕಿ ಸುಡುವ ಬೆಂಕಿಯಾಗಬೇಡಿ ಎಂದು ಅತಿಥಿ ಉಪನ್ಯಾಸಕರು ಮನವಿಮಾಡಿಕೊಳ್ಳುತ್ತಿದ್ದಾರೆ.
ಅತಿಥಿ ಉಪನ್ಯಾಸಕರ ಪಾಲಿನ ಕಣ್ಮಣಿ,ಹನುಮಂತಗೌಡ ಕಲ್ಮನಿಯವರು ಹೋರಾಟದ ಪಾಂಚಜನ್ಯ ಮೊಳಗಿಸಿದ್ದಾರೆ ನಮ್ಮ ನ್ಯಾಯೋಚಿತವಾದ ಬೇಡಿಕೆಗಳನ್ನು ಈಡೇರಿಸಿ.