ದೋಹಾ: ಐಪಿಎಲ್ ತಾರೆ ವೈಭವ್ ಸೂರ್ಯವಂಶಿ (144 ರನ್, 42 ಎಸೆತ, 11 ಬೌಂಡರಿ, 15 ಸಿಕ್ಸರ್) ಸ್ಫೋಟಕ ಆಟ ಹಾಗೂ ನಾಯಕ ಜಿತೇಶ್ ಶರ್ಮ (83* ರನ್, 32 ಎಸೆತ, 8 ಬೌಂಡರಿ, 6 ಸಿಕ್ಸರ್) ಬಿರುಸಿನಾಟದ ಬಲದಿಂದ ಯುಎಇ ಎದುರು ರನ್ ಮಳೆ ಹರಿಸಿದ ಭಾರತ ಎ ತಂಡ ರೈಸಿಂಗ್ ಸ್ಟಾರ್ಸ್‌ ಏಷ್ಯಾಕಪ್ ಟ20 ಟೂರ್ನಿಯಲ್ಲಿ 148 ರನ್‌ಗಳಿಂದ ಗೆದ್ದು, ಶುಭಾರಂಭ ಕಂಡಿದೆ.
ವೆಸ್ಟ್ ಎಂಡ್ ಪಾರ್ಕ್ ಕ್ರೀಡಾಂಗಣದಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಭಾರತ ಬ್ಯಾಟಿಂಗ್‌ಗೆ ಇಳಿಯಿತು. 14 ವರ್ಷದ ವೈಭವ್ ಸಿಕ್ಸರ್‌ಗಳ ಸುರಿಮಳೆ ಹರಿಸಿ ಕೇವಲ 31 ಎಸೆತಗಳಲ್ಲಿ ಶತಕ ಪೂರೈಸಿದರು. ಕೊನೆಯಲ್ಲಿ ಜಿತೇಶ್ ಶರ್ಮ ಅಬ್ಬರದಿಂದ ಭಾರತ ಎತಂಡ 4 ವಿಕೆಟ್‌ಗೆ 297 ರನ್‌ಗಳ ಬೃಹತ್ ಮೊತ್ತ ಕಲೆಹಾಕಿತು. ಪ್ರತಿಯಾಗಿ ಗುರ್‌ಜಪ್‌ನೀತ್ ಸಿಂಗ್ (18ಕ್ಕೆ 3) ಸಹಿತ ಇತರ ಬೌಲರ್‌ಗಳ ದಾಳಿ ಎದುರು ಕನಿಷ್ಠ ಹೋರಾಟವೂ ತೋರದ ಯುಎಇ 7 ವಿಕೆಟ್‌ಗೆ 149 ರನ್‌ಗಳಿಸಲಷ್ಟೇ ಸಾಧ್ಯವಾಯಿತು.
ಭಾರತ ಎ: 4 ವಿಕೆಟ್‌ಗೆ 297 (ವೈಭವ್ 144, ಪ್ರಿಯಾಂಶ್ 10, ನಮನ್ 34, ಜಿತೇಶ್ 83, ನೇಹಾಲ್ 14, ರಮಣ್‌ದೀಪ್ 6*, ಆಯಾನ್ 42ಕ್ಕೆ 1).
ಯಎಇ: 7 ವಿಕೆಟ್‌ಗೆ 149 (ಮಯಾಂಕ್ 18, ಶರು 3, ಶೋಯಿಬ್ 63*, ಹೈದರ್ 20, ಆರ್ನ್ 26, ಗುರ್‌ಜಪ್‌ನೀತ್ 18ಕ್ಕೆ 3, ಹರ್ಷ್ 12ಕ್ಕೆ 2). ಪಂದ್ಯಶ್ರೇಷ್ಠ: ವೈಭವ್ ಸೂರ್ಯವಂಶಿ
3. ವೈಭವ್ ಸೂರ್ಯವಂಶಿ ಟಿ20 ಕ್ರಿಕೆಟ್‌ನಲ್ಲಿ ಅತಿ ಕಡಿಮೆ ಎಸೆತಗಳಲ್ಲಿ ಶತಕ ಸಿಡಿಸಿದ 3ನೇ ಭಾರತೀಯ. ಊರ್ವಿಲ್ ಪಟೇಲ್ (28 ಎಸೆತ, ತ್ರಿಪುರ ವಿರುದ್ಧ), ಅಭಿಷೇಕ್ ಶರ್ಮ (28 ಎಸೆತ, ಮೇಘಾಲಯ) ಮೊದಲಿಬ್ಬರು.