ತಾಳಿಕೋಟೆ : ಗೋಕಾಕ ಚಳುವಳಿ ಸಂದರ್ಭದಲ್ಲಿ ಜನ್ಮ ತಳೆದು ಕನ್ನಡ ನಾಡು-ನುಡಿ,ನೆಲ, ಜಲ, ಸಂಸ್ಕೃತಿಯ ಡಿಂಡಿಮ ಭಾರಿಸುತ್ತ ಬಂದ ಸ್ಥಳೀಯ ಕನ್ನಡ ಸಂಘಕ್ಕೆ ಮರುಚಾಲನೆ ನೀಡುವುದರೊಂದಿಗೆ ನೂತನ ಪದಾಧಿಕಾರಿಗಳ ಪದಗ್ರಹಣ, ವಿಶೇಷ ಉಪನ್ಯಾಸ ಮತ್ತು ತತ್ವಪದಗಾಯನ ಕಾರ್ಯಕ್ರಮ ಇಂದು (ನ.30) ಹಮ್ಮಿಕೊಳ್ಳಲಾಗಿದೆ ಎಂದು ಸ್ಥಳೀಯ ಎಸ್.ಕೆ.ಕಾಲೇಜಿನ ನಿವೃತ್ತ ಉಪನ್ಯಾಸಕ ಶೇಷಾಚಲ ಹವಾಲ್ದಾರ (ಚೇಚಿ) ತಿಳಿಸಿದ್ದಾರೆ.
ಇಂದು ಸಂಜೆ 4.00 ಗಂಟೆಗೆ ಪಟ್ಟಣದ ಎಪಿಎಂಸಿ ಸಭಾಭವನದಲ್ಲಿ ಜರುಗುವ ಕಾರ್ಯಕ್ರಮದಲ್ಲಿ
ಸಾನ್ನಿಧ್ಯವನ್ನು ಖಾಸ್ಗತೇಶ್ವರಮಠದ ಪೀಠಾಧಿಪತಿ ಬಾಲಶಿವಯೋಗಿ ಸಿದ್ಧಲಿಂಗದೇವರು ಸಾನ್ನಿಧ್ಯವನ್ನು ವಹಿಸುವರು. ಕನ್ನಡ ಸಂಘದ ಅಧ್ಯಕ್ಷ ಬಿ.ಬಿ.ಕೊಂಗಂಡಿ ಅಧ್ಯಕ್ಷತೆ ವಹಿಸುವರು. ವಾಘ್ಮಿ, ಸಂಗೀತ ಮತ್ತು ಚಿತ್ರಕಲಾವಿದ ಕೆಂಭಾವಿಯ ಹಳ್ಳೇರಾವ್ ಕುಲಕರ್ಣಿ ವಿಶೇಷ ಉಪನ್ಯಾಸ ನೀಡುವರು. ಅತಿಥಿಗಳಾಗಿ ಬೋರಗಿ ತತ್ವಪದಗಾರ್ತಿ ಇಮಾಂಬಿ ದೊಡಮನಿ,
ನಿಯೋಜಿತ ಅಧ್ಯಕ್ಷ ಡಾ.ವಿಜಯಕುಮಾರ ಕಾರ್ಚಿ, ಕಾರ್ಯದರ್ಶಿ ಪ್ರೊ.ಶೇಷಾಚಲ ಹವಾಲ್ದಾರ, ನಿವೃತ್ತ ಪ್ರಾಧ್ಯಾಪಕ, ಮಕ್ಕಳ ಸಾಹಿತಿ ಚಂದ್ರಗೌಡ ಕುಲಕರ್ಣಿ(ಚಿಲಿಪಿಲಿ), ತಾಲ್ಲೂಕಾ ಕಸಾಪ ಅಧ್ಯಕ್ಷ ಆರ್.ಎಲ್.ಕೊಪ್ಪದ ಉಪಸ್ಥಿತರಿರುವರು.

Leave a Reply

Your email address will not be published. Required fields are marked *