ಕಲಿಯುಗದಲ್ಲಿ ಹೋಮ ಹವನ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಭಕ್ತಿಯಿಂದ ಭಜನೆ ಮಾಡುವ ಮೂಲಕ ಆಧ್ಯಾತ್ಮಿಕವಾಗಿ ಸಾಧನೆಯನ್ನು ಮಾಡಬಹುದಾಗಿದೆ. ಜೀವನದಲ್ಲಿ ಬರುವ ಸಮಸ್ಯೆಗಳಿಗೆ ನಿರಂತರ ಹರಿಸ್ಮರಣೆ ಎಲ್ಲಾ ಆಪತ್ತುಗಳನ್ನು ಪರಿಹರಿಸಿ ಇಷ್ಟಾರ್ಥಗಳ ಪ್ರಾಪ್ತಿಯ ಜೊತೆಗೆ ಮನಶಾಂತಿ ನೆಮ್ಮದಿ ದೊರೆಯಲಿದೆ ಎಂದು ವಶಿಷ್ಠಧಾಮ ಸೇವಾ ಟ್ರಸ್ಟ್ ಅಧ್ಯಕ್ಷ ಭೀಮಸೇನಾಚಾರ್ಯ ನವಲಿ ಹೇಳಿದರು.
ಸಿಂಧನೂರು ನಗರದ ಉಪ್ಪಾರವಾಡಿಯ ವಶಿಷ್ಠಧಾಮದಲ್ಲಿ ಜರುಗಿದ ಕಾರ್ತಿಕ ದೀಪೋತ್ಸವ ಕಾರ್ಯಕ್ರಮದಲ್ಲಿ ಮಾತನಾಡಿದರು. ಹನಮ ಮಾಲಾಧಾರಣ ಭಕ್ತರು ಭಕ್ತಿಯ ಭಜನೆ ಆಚರಣೆಗಳಿಂದ ವಿಶೇಷ ಆಂಜನೇಯ ಕೃಪೆಗೆ ಪಾತ್ರರಾಗಿದ್ದಾರೆ.ವಶಿಷ್ಠಧಾಮ ಸೇವಾ ಟ್ರಸ್ಟ್‌ನವತಿಯಿಂದ ಪ್ರತಿ ತಿಂಗಳು ಧಾರ್ಮಿಕ ಸಾಂಸ್ಕೃತಿಕ ಕಾರ್ಯಕ್ರಮಗಳು ಜನ ಸಾಮಾನ್ಯರಲ್ಲಿ ಸನಾತನ ಧರ್ಮ ಜಾಗೃತಿಯ ಸಂದೇಶಗಳನ್ನು ಸಾರುತ್ತಿವೆ. ಸನಾತನ ಧಾರ್ಮೀಕ ಆಚರಣೆಗಳು ವೈಜ್ಞಾನಿಕವಾಗಿದೆ ಎಂದರು.
ವಶಿಷ್ಠಧಾಮದಲ್ಲಿ ಕಾರ್ತಿಕ ಮಾಸ ಕೊನೆಯ ಸೋಮವಾರ ಪ್ರಯುಕ್ತ ಭಕ್ತರಿಂದ ಸಾಮೂಹಿಕ ರುದ್ರಾಭೀಷೇಕ, ಮಹಿಳೆಯರಿಂದ ಕುಂಕುಮಾರ್ಚನೆ ಹಾಗೂ ಕಾರ್ತಿಕ ದೀಪೋತ್ಸವ ಧಾರ್ಮಿಕ ಕಾರ್ಯಕ್ರಮಗಳನ್ನು ಸತ್ಯನಾರಾಯಣಾಚಾರ್ಯ ನವಲಿ, ಭಾರದ್ವಾಜ ಉಪ್ಪಳ ನೇರವೇರಿಸಿದರು.
ಈ ಸಂದರ್ಭದಲ್ಲಿ ಸಣ್ಣಮಲ್ಲಪ್ಪ ಮಾಡಿಗಿರಿ ಮತ್ತು ವಿರೇಶ ಅವರಿಗೆ ಸನ್ಮಾನಿಸಲಾಯಿತು. ಹನುಮಂತಾಚಾರ್ಯ ಮಠಾಧಿಕಾರ, ರಾಘವೇಂದ್ರರಾವ್ ಕುಲಕರ್ಣಿ, ವೆಂಕಟರಾವ್ ಬಂಡಿ, ವಿರುಪಣ್ಣ ಗುಡಿ, ಉಮೇಶ ಗೋಮರ್ಸಿ, ಬಸವರಾಜ ಕೆಸರಟ್ಟಿ, ಕೃಷ್ಣಾ ಮಲಕಸಮುದ್ರ, ಪ್ರಭಾಕರ ದೇಶಪಾಂಡೆ, ಶ್ರೀನಿವಾಸ ಕುಲಕರ್ಣಿ ಮಹಿಳಾ ಭಜನಾ ಮಂಡಳಿಯ ಸದಸ್ಯರಾದ ಶೋಭಾ ನವಲಿ, ಸನ್ನಿಧಿ, ಲಕ್ಷ್ಮೀ, ಸುಮಿತ್ರಾ, ಅನುರಾಧ ಮುಂತಾದವರು ಉಪಸ್ಥಿತರಿದ್ದರು.
