ಲಿಂಗಸಗೂರು :-
ಪಟ್ಟಣದ ಎಕ್ಷರ್ಟ್ ಸ್ಕೂಲ್ ಬಳಿ ಇರುವ ಸಂಯುಕ್ತ ಕರ್ನಾಟಕ ವರದಿಗಾರನ ಮನೆಯಲ್ಲಿ ನಿನ್ನೆ ಹಾಡು ಹಗಲೆ ಕಳುವಾದ ಘಟನೆ ನಡೆದಿದೆ.
ವರದಿಗಾರ ಸಿದ್ದನಗೌಡ ನಿವಾಸದಲ್ಲಿ ಮಧ್ಯಾಹ್ನ ಹಿಂಬದಿಯ ಬಾಗಿಲು ಮುರಿದು ಮನೆ ಪ್ರವೇಶಿಸಿದ ಕಳ್ಳರು 14 ಲಕ್ಷ ನಗದು ಮತ್ತು 95 ಗ್ರಾಂ ಚಿನ್ನಾಭರಣ ಕದ್ದು ಪರಾಧಿಯಾಗಿದ್ದಾರೆ.
ಮನೆಯಲ್ಲಿ ಯಾರು ಇಲ್ಲದಿರುವುದನ್ನು ಗಮನಿಸಿ ಕಳ್ಳರ ತಂಡ ಮನೆಯ ಹಿಂಭಾಗಲಿನಿಂದ ಒಳ ಪ್ರವೇಶಿಸಿದ್ದಾರೆ. ವರದಿಗಾರ ಸಿದ್ದನಗೌಡ ಅವರು ನಿನ್ನೇ ರಾಯಚೂರಿನಲ್ಲಿ ಮೀಟಿಂಗ್ ಗೆ ಹೋಗಿದ್ದರು ಪತ್ನಿ ಶಾಲಾ ಶಿಕ್ಷಕಿಯಾಗಿದ್ದರಿಂದ ಶಾಲೆಗೆ ತೆರಳಿದ್ದರು. ಇತ್ತೀಚಿಗಷ್ಟೇ ಪಿತ್ರಾಜಿತ ಹೊಲ ಮಾರಿ 14 ಲಕ್ಷ ರೂಪಾಯಿ ಮನೆಯಲ್ಲಿ ಇಡಲಾಗಿತ್ತು. ಮಾಂಗಲ್ಯ ಸರ, ಝುಮಕಿ, ಕಿವಿಯೋಲೆ, ಉಂಗುರ, ಸೇರಿ ಒಟ್ಟು 95 ಗ್ರಾಂ ಚಿನ್ನ, 50 ಗ್ರಾಂ ಬೆಳ್ಳಿಯ ಆಭರಣ ಕಳುವಾಗಿದೆ. ಈ ಕುರಿತು ಸ್ಥಳೀಯ ಲಿಂಗಸಗೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ. ಪಕ್ಕದ ನಿವಾಸದ ಸಿ ಸಿ ಕ್ಯಾಮೆರಾ ಪಡೆಯಲಾಗಿದ್ದು, ಕಳ್ಳರ ಪತ್ತೆ ಕಾರ್ಯ ತೀವ್ರ ನಡೆದಿದೆ.ಘಟನಾ ಸ್ಥಳಕ್ಕೆ ಪೊಲೀಸ್ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲಿಸಿ ತನಿಖೆಯನ್ನು ಕೈಗೊಂಡಿದ್ದಾರೆ .
