ಕುಟುಂಬದಿಂದ ತಿರಸ್ಕೃತಗೊಂಡ ರಾಯಚೂರಿನ ಅನಾರೋಗ್ಯ ಪೀಡಿತ ರಂಗನಾಥನಿಗೆ ಕಾರುಣ್ಯ ಆಶ್ರಮದಲ್ಲಿ ಆಶ್ರಯ*

ರಾಯಚೂರು— ನಗರದ ನೇತಾಜಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಬರುವ ಎನ್‌.ಜಿ.ಓ. ಕಾಲೋನಿಯಲ್ಲಿ ವಾಸವಾಗಿದ್ದ ಪ್ರತಿಯೊಂದು ಸಾಮಾಜಿಕ ಕಾರ್ಯಗಳಲ್ಲಿ ತನ್ನನ್ನು ತಾನು ತೊಡಗಿಸಿಕೊಂಡು ದಾನ ಧರ್ಮಕ್ಕೆ ಹೆಸರಾಗಿದ್ದ ಅನಾರೋಗ್ಯ ಪೀಡಿತ ರಂಗನಾಥ ಕೋರಿಶೆಟ್ಟಿ ವಯಸ್ಸು-55 ಇವರನ್ನು ಸ್ಥಳೀಯ ನೀಲಕಂಠೇಶ್ವರ ಟೆಂಪಲ್ ಟ್ರಸ್ಟ್ ಪದಾಧಿಕಾರಿಗಳು ಹಾಗೂ ಸ್ಥಳೀಯರ ಮತ್ತು ನೇತಾಜಿ ನಗರದ ಪೊಲೀಸ್ ಇಲಾಖೆಯ ಅಧಿಕಾರಿಗಳ ಮೇರೆಗೆ ಸಿಂಧನೂರು ನಗರದ ಒಳಬಳ್ಳಾರಿ ರಸ್ತೆಯಲ್ಲಿರುವ ಕರ್ನಾಟಕ ಸರ್ಕಾರದ ರಾಜ್ಯ ಪ್ರಶಸ್ತಿ ಪುರಸ್ಕೃತ ಸಂಸ್ಥೆಯಾದ ಶ್ರೀ ಮಠ ಸೇವಾ ಟ್ರಸ್ಟ್(ರಿ) ಹರೇಟನೂರು ಕಾರುಣ್ಯ ನೆಲೆ ವೃದ್ಧಾಶ್ರಮ ಹಾಗೂ ಬುದ್ಧಿಮಾಂದ್ಯ ಆಶ್ರಮದ ಕಾರ್ಯಾಧ್ಯಕ್ಷರಾದ ಡಾ. ಚನ್ನಬಸವ ಸ್ವಾಮಿ ಹಿರೇಮಠ ಹಾಗೂ ಸಿಬ್ಬಂದಿಗಳಾದ ಮರಿಯಪ್ಪ ಹರ್ಷವರ್ಧನ ಇವರುಗಳ ಸಮಕ್ಷಮದಲ್ಲಿ ಆಶ್ರಮಕ್ಕೆ ಕರೆತಂದು ಆಶ್ರಯ ಕಲ್ಪಿಸಲಾಯಿತು. ಈ ಸಮಯದಲ್ಲಿ ನೀಲಕಂಠೇಶ್ವರ ಟೆಂಪಲ್ ಟ್ರಸ್ಟ್ ನ ಸದಸ್ಯರಾದ ಬಸವರಾಜ ಪಡಶೆಟ್ಟಿ ಮಾತನಾಡಿ ನಮ್ಮ ರಂಗನಾಥ್ ಅವರು ನಿರಂತರ ಸಮಾಜ ಸೇವ ಕಾರ್ಯಕ್ರಮಗಳಲ್ಲಿ ಪಾಲ್ಗೊಳ್ಳುವುದು ತಮ್ಮದೇ ಆದಂತಹ ಬಹುದೊಡ್ಡ ಮಟ್ಟದ ಸಹಾಯ ಸಹಕಾರ ಮಾಡುತ್ತಿದ್ದರು. ಇಂತಹ ವ್ಯಕ್ತಿಯ ಬದುಕು ಇಂದು ಬಹುದೊಡ್ಡ ಅಘಾತದೊಂದಿಗೆ ಸಾಗುತ್ತಿದೆ. ಪೋಲಿಸ್ ಇಲಾಖೆಯ ಅಧಿಕಾರಿಗಳು ಕೂಡ ಹೆಂಡತಿ ಮಕ್ಕಳಿಗೆ ಇವರ ಸ್ಥಿತಿಯನ್ನು ತಿಳಿಸಿದರು ಕೂಡ ಸ್ಪಂದನೆ ಮಾಡುತ್ತಿಲ್ಲ. ಆದ್ದರಿಂದ ನಮ್ಮ ಕರುನಾಡಿನ ಕರಣೆಯ ಕುಟುಂಬವಾದ ಸಿಂಧನೂರಿನ ಕಾರುಣ್ಯ ಕುಟುಂಬವನ್ನು ನಾವು ಸಂಪರ್ಕಿಸಿದಾಗ ಇವರ ಸ್ಥಿತಿಯನ್ನು ವಿವರಿಸಿದಾಗ ಒಪ್ಪಿಕೊಂಡಿರುವ ಈ ಸಂಸ್ಥೆಯ ಕರುಣಾಮಯಿ ಕಾರ್ಯಗಳನ್ನು ಮೆಚ್ಚಿಕೊಂಡೆವು. ಕೇವಲ ಒಬ್ಬ ಬಡಜಂಗಮರಾಗಿ ದಾನಿಗಳ ಸಹಾಯ ಸಹಕಾರದೊಂದಿಗೆ ಮಾಡುತ್ತಿರುವ ಕಾರುಣ್ಯ ಆಶ್ರಮದ ಕಾರ್ಯ ಶ್ಲಾಘನೀಯ ಇಂತಹ ಸೇವ ಕಾರ್ಯಕ್ಕೆ ನಮ್ಮ ನೀಲಕಂಠೇಶ್ವರ ಸೇವಾ ಟ್ರಸ್ಟ್ ವತಿಯಿಂದ ಹಾಗೂ ಎನ್. ಜಿ. ಒ. ಕಾಲೋನಿಯ ಎಲ್ಲರೂ ಸಹಕರಿಸುತ್ತೇವೆ ಎಂದು ಮಾತನಾಡಿದರು. ಈ ಸಮಯದಲ್ಲಿ ಸುರೇಶ ಕೋರಿಶೆಟ್ಟಿ.ಶೈಲಜಾ ಕುಲಕರ್ಣಿ ದ್ವಿತೀಯ ದರ್ಜೆ ಸಹಾಯಕರು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ರಾಯಚೂರು. ಮಹಾಂತೇಶ ಪೂರತಿಪ್ಲಿ ಅಧ್ಯಕ್ಷರು ನೀಲಕಂಠೇಶ್ವರ ಟೆಂಪಲ್ ಟ್ರಸ್ಟ್ ಎನ್.ಜಿ. ಒ. ಕಾಲೋನಿ ರಾಯಚೂರು. ಬಸವರಾಜ ಪಡಶೆಟ್ಟಿ ಕಾರ್ಯದರ್ಶಿಗಳು ನೀಲಕಂಠೇಶ್ವರ ಟೆಂಪಲ್ ಟ್ರಸ್ಟ್.ಬಸವರಾಜ ನಿವೃತ್ತ ಜಮಾದಾರರು. ಮಂಜುಳಾ ಡಬ್ಲ್ಯೂ. ಪಿ.ಸಿ. ನೇತಾಜಿ ಪೊಲೀಸ್ ಠಾಣೆ ರಾಯಚೂರು. ಹಾಗೂ ಆಶ್ರಮದ ಕಾರ್ಯಾಧ್ಯಕ್ಷರಾದ ಡಾ. ಚನ್ನಬಸವ ಸ್ವಾಮಿ ಹಿರೇಮಠ. ಸಿಬ್ಬಂದಿಗಳಾದ ಮರಿಯಪ್ಪ ಹರ್ಷವರ್ಧನ ಹಾಗೂ ಅನೇಕ ಸ್ಥಳೀಯರು ಉಪಸ್ಥಿತರಿದ್ದರು.