ಹಾಲಾಪೂರ*: ತುಂಗಭದ್ರಾ ಎಡದಂಡೆ 62 ರಿಂದ 74ನೇ ಉಪ ಕಾಲುವೆಗಳಿಗ ಸರಿಯಾದ ರೀತಿಯಲ್ಲಿ ನೀರು ಬಿಡುತ್ತಿಲ್ಲ ಎಂದು
ಮಸ್ಕಿ ತಾಲೂಕಿನ ಹಾಲಾಪೂರ ಗ್ರಾಮದಲ್ಲಿ ರೈತರ ಬೃಹತ್ ಪ್ರತಿಭಟನೆಯಲ್ಲಿ ಸುತ್ತಮುತ್ತಲಿನ ಗ್ರಾಮಗಳ ಸಾವಿರಾರು ರೈತರು ನಿರೀಕ್ಷೆಗೂ ಮೀರಿ ಒಗ್ಗಟ್ಟು ಪ್ರದರ್ಶನ ಕಂಡುಬಂದಿತು. ಈ ಒಂದು ಹೋರಾಟದಲ್ಲಿ ಪೂಜ್ಯ ಶ್ರೀ ಮರಿಬಸವರಾಜ ದೇಸಿಕೇಂದ್ರ ಮಹಾಸ್ವಾಮಿಗಳು ಉಟಕನೂರು, ಪೂಜ್ಯಶ್ರೀ ಬಸವಪ್ರಸಾದ ಶರಣರು ಇರಕಲ್ ಮಠ, ಪೂಜ್ಯಶ್ರೀ ದಂಡಗುಂಡಪ ತಾತ ಜಂಗಮರಳ್ಳಿ ಆಶೀರ್ವಾದದೊಂದಿಗೆ ಜೊತೆಗೆ ಮರಿಗೌಡ ಮಾಲಿಪಾಟೀಲ್ ಹಾಗೂ ಪಾಟೀಲ್ ನ್ಯೂಜ ಚಾನೆಲ್ ಮತ್ತು ಅನೇಕ ರೈತ ಮುಖಂಡರ ಸಹಯೋಗದಲ್ಲಿ ಹಮ್ಮಿಕೊಂಡಿದ್ದು , ರೈತರು ಬೆಳೆದ ಭತ್ತಕ್ಕೆ ಡಿಸೆಂಬರ್ 15ರವರೆಗೆ ನೀರು ಹರಿಸಿ, ಒಳ್ಳೆಯ ಗೇಜು ಮತ್ತು ತ್ರಡ್ಡನ್ನು ಕಾಪಾಡಿ ರೈತರಿಗೆ ಅನುಕೂಲ ಮಾಡಬೇಕು, ಹಾಗೆ ರೈತರ ಮೇಲೆ ದಾಖಲಾದ ಕೇಸುಗಳನ್ನು ಹಿಂದಕ್ಕೆ ಪಡೆಯಬೇಕು, ಇಲ್ಲವಾದರೆ ಮತ್ತಷ್ಟು ಉಗ್ರವಾದ ಹೋರಾಟವನ್ನು ಮಾಡಬೇಕಾಗ್ತದೆ ಎಂದು ಮಸ್ತಾನ್ ನಾಯಕ ರೈತ ಸಂಘದ ರಾಜ್ಯಾಧ್ಯಕ್ಷರು ಹಾಗೂ ಎಲ್ಲಾ ರೈತರು ಸೇರಿ ಸ್ಥಳದಲ್ಲಿದ್ದ ತಹಸಿಲ್ದಾರ ಮಂಜುನಾಥ ಭೂಗವತಿ, ನೀರಾವರಿ ಇಲಾಖೆ ಇಇ ವಿಜಯಲಕ್ಷ್ಮಿ ಪಾಟೀಲ ಅವರಿಗೆ ಎಚ್ಚರಿಕೆಯನ್ನು ನೀಡಿದರು. ಹಾಲಾಪುರದಲ್ಲಿ ಮೊಟ್ಟ ಮೊದಲ ಬಾರಿಗೆ ಸಾವಿರಾರು ರೈತರು ಸೇರಿ ಒಗ್ಗಟ್ಟು ಪ್ರದರ್ಶನ ವಿಶೇಷತೆಯಾಗಿತ್ತು , ಸೂಕ್ತ ಬಂದೋಬಸ್ತ್ ವ್ಯವಸ್ಥೆಯನ್ನು ಸಿರಿವಾರ ಹಾಗೂ ಮಾನ್ವಿ ಸರ್ಕಲ್ ಪೊಲೀಸ್ ಇನ್ಸ್ಪೆಕ್ಟರ್ , ಕವಿತಾಳ್ ಪಿಎಸ್ಐ ಹಾಗೂ ರಿಸರ್ವ್ ಪೊಲೀಸ್ ಸೇರಿ ರಕ್ಷಣೆ ನೀಡಿದರು. ಈ ಸಂದರ್ಭದಲ್ಲಿ ಹಾಲಾಪುರ ಆಗ ಸುತ್ತುಮುತ್ತಲಿನ ರೈತ ಮುಖಂಡರು, ರೈತರು ಸಹಸ್ರ ಸಂಖ್ಯೆಯಲ್ಲಿ ಭಾಗಿಯಾಗಿದ್ದರು